أنا مش محتاج أتوب..

أنا مش محتاج أتوب..

ولا هاغسل الذنوب..

ده أنا ذنبى هوّ عشقك..

وإنى فِ حبك بادوب..

ظالمانى ليه يا غالية..

وإنت اللى فِ عينى عالية..

مش ممكن يوم هافوتك..

ولا اتوه وسط الدروب..

… ده انتى الباقية فِ قلبى..

أنا مش ممكن هاتوب..

واخترتك انتى دربى..

ما أنا عشقى فيكى غيّة..

يا خالية مِ العيوب..

لو كنتى فِ يوم هَتِنْسِى..

أو حتى فِ يوم هَتِقْسِى..

هافضل شايلك فِ قلبى..

قلبى غير القلوب..

قلبى مغرم صبابة..

يعزف لك عَ الربابة..

وانا ذنبى هوّ عشقك..

وانا مش ممكن هاتوب..